Menu principale:
Vèneto > £éngua
Ndo' vienlo parlà el vèneto?
Par prima roba, el vèneto el vien parlà in Vèneto. Qua ghe xe diverse varianti de 'sta léngua: Venesian, Veronéxe, Belunéxe, Trevixan e Padovan-Vixentin-Rovigoto (grupo zsentrale).
'Nte le sità e 'ntei medi paixi se parla na specie de "smisioto" che in realtà l'è molto (masa!) influenzsà da l'italian.
Dopo, el vèneto el vien parlà su la costa dàlmata, Croazsia, ndo' che la zxente la dòpara na variante triestin-venesiana portà là da la Serenìsima Repùblica de Venezsia.
'Ntei Stati de Rio Grando do Sul, Santa Catarina e Paranà (in Braxil), sirca 5 miliuni de persóne i parla na koinè baxà su le vecie varianti vènete Vixentin e Trevixan modificàe da altre léngue del nord-italia ('ntel sècolo pasà i imigranti i vegnéa anca da Trentin, Friul, Lonbardìa) e influenzsà dal portoghéxe.
'Sta koinè vèneta l'è la pi nóva léngua neolatina e quii che i la parla i la ciama Taliàn, (=italian) in contrapoxizsion al braxilian, o sia el portoghéxe che 'l xe la léngua prinzsipale. El talian comunque no 'l xe miga l' Italian!
'Ntel paéxe de Chipilo, Mèsico, la zxente la parla na variante Trevixan-Belunéxe del vèneto parché gran parte dei imigranti i vegnéa dal paéxe de Seguxìn, 'ntel nord de la provinzsia de Trevixo. La xe influenzsà dal spagnolo.
Menu di sezione: