Sitoveneto™ - portale di lingua e cultura veneta

£éngua vèneta: baxe legali
e problemi de normalixasion

£éngua vèneta: baxe legali
e problemi de normalizxazsion

(grafia parzialmente unificata: basata
su veneto centrale e ven. veneziano)

(proposta di grafia parlade vènete unificàe: include le
interdentali di veneto bellunese, trevigiano e polesano)

L'Italia la riconóse uficialmente l'existensa del Pòpolo Vèneto e 'l só status legale fin dal 1971 aprovando la leje n.340 del 22 de Majo del 1971: in 'sto modo qua xe stà aprovà el Statuto Vèneto che 'l parla in modo ciaro de «Popolo Veneto».

L'Italia la riconóse anca, 'nte la só Costitusion, i diriti de le léngue minoritarie.

D'altra parte, ciamando el vèneto "dialetto" invése che léngua, xe stà posìbile pasar sóra 'ste leji qua e cusita 'sta léngua qua no l'è mai stà riconosesta.

El 28 de Marso del 2007, co na leje del Conséjo Regionale del Vèneto, la léngua vèneta la xe stà riconosùa uficialmente rento el teritorio vèneto.

A ogni modo, la mancansa de na ortografìa normalixà la rende pi difìsile l'acetasion e l'uxo scrito uficiale de la léngua vèneta, visto che la resta specialmente na léngua parlà.

Gran parte dei Vèneti, quando che i scrive in vèneto, la riproduxe sol che la só variante locale e cusita quii contrari a un riconosiménto uficiale i pol fasilmente sostegner che "La lingua veneta non esiste né può essere utilizzata, ma al suo posto esistono molti dialetti veneti e di conseguenza non c'è una lingua veneta da riconoscere per legge"

Cusì, diversamente da altre léngue minoritarie come el Gaèlico, el Catalan, el Basco che anca grasie a la normalixasion le ga avùo pi protesion, el Vèneto par tanta xente no 'l xe gnancor considerà na léngua da aplicarghe le leje su la protesion ma el resta un "dialetto" seben che 'l sipia stà riconosù uficialmente.

In 'sto sito qua se cata na proposta de unificasion (Parlade Vènete Unificàe: PVU).

Solo in serte question, pi exatamente quele che riguarda "zs/zx", le proposte le xe provixorie spetando che i Vèneti i lase da parte le só divixion locali e i se méta d'acordo.

L'Italia la riconóse uficialmente l'existenzsa del Pòpolo Vèneto e 'l só status legale fin dal 1971 aprovando la leje n.340 del 22 de Majo del 1971: in 'sto modo qua xe stà aprovà el Statuto Vèneto che 'l parla in modo ciaro de «Popolo Veneto».

L'Italia la riconóse anca, 'nte la só Costituzsion, i diriti de le léngue minoritarie.

D'altra parte, ciamando el vèneto "dialetto" invézse che léngua, xe stà posìbile pasar sóra 'ste leji qua e cusita 'sta léngua qua no l'è mai stà riconosesta.

El 28 de Marzso del 2007, co na leje del Conséjo Regionale del Vèneto, la léngua vèneta la xe stà riconosùa uficialmente rento el teritorio vèneto.

A ogni modo, la mancanzsa de na ortografìa normalixà la rende pi difìzsile l'acetazsion e l'uxo scrito uficiale de la léngua vèneta, visto che la resta specialmente na léngua parlà.

Gran parte dei Vèneti, quando che i scrive in vèneto, la riproduxe sol che la só variante locale e cusita quii contrari a un riconosiménto uficiale i pol fazsilmente sostegner che "La lingua veneta non esiste né può essere utilizzata, ma al suo posto esistono molti dialetti veneti e di conseguenza non c'è una lingua veneta da riconoscere per legge"

Cusì, diversamente da altre léngue minoritarie come el Gaèlico, el Catalan, el Basco che anca grazsie a la normalixazsion le ga avùo pi protezsion, el Vèneto par tanta zxente no 'l xe gnancor considerà na léngua da aplicarghe le leje su la protezsion ma 'l resta un "dialetto" seben che 'l sipia stà riconosù uficialmente.

In 'sto sito qua se cata na proposta de unificazsion (Parlade Vènete Unificàe: PVU).

Solo in zserte question, pi exatamente quele che riguarda "zs/zx", le proposte le xe provixorie spetando che i Vèneti i lase da parte le só divixion locali e i se méta d'acordo.