Sitoveneto™ - portale di lingua e cultura veneta

Règole prinzsipali
e caratarìstiche pi tìpiche del vèneto
(par i Vèneti)

Artìcoli definìi: el, la , i , le. Davanti na vocal se dòpara l' : l'amigo, l'amiga
Artìcoli indefinìi: un , na. Davanti na vocal se dòpara n' : n'albaro , n'altro , n'altra
Artìcolo personale fem.: la. El conpagna senpre i nomi propi de persona feminili de la Maria, a la Maria, la Maria la vien qua (fora che al vocativo: Maria, vien qua!)

£e prepoxizsion de, a, co, su le se taca solo che ai artìcoli maschili : al, ai, del, dei, col, coi, sul, sui
£a prep. par la pol deventar pa' : par el --» pa'l , par i --» pa'i , par na --» pa' na
£a prep. in la deventa 'nte (inte) davanti de tuti i artìcoli : 'ntel, 'ntei, 'nte la, 'nte le, int'un, 'nte na


Al singolar le parole le finise in -o, -a, -e ; -n, -r, -l (come venes., trevig., belum., veron.)
Exempio : tóxo, tóxa, porta, vernixe, saco, cavalo ; can, paron, mar, vocal, giornal, faxol, fiol...
Anca i verbi: parlar, saver, finir, móvar(e), bévar(e)

Plural feminile : -a , -e --» -e. Par ex.: tóxa -> tóxe, gata -> gate, ciave -> ciave, fòrbexe-> fòrbexe
Plural feminile : -conson. --» --. Par ex.: la man -> le man, la soluzsion -> le soluzsion...


Plural maschile : -i. Per es.: capitan -> capitani, mar -> mari, goto -> goti, giornal -> giornali
Ghe xe anca el canbio vocàlico (come in padovan-vixentin-rovigoto)

-ó (in ultima poxizsion -o) --» -u : tóxo -> tuxi, cónto -> cunti, paron -> paruni, fiol -> fiuli...
-é solo penultima poxizsion --» -i : méxe -> mixi, ségno -> signi, dixégno -> dixigni...
la conbinazsion -o-ó --»-u-u : moróxo -> muruxi , boton -> butuni , dotor -> duturi...
la conbinazsion -o-é --»-u-i : moménto -> muminti, argoménto -> arguminti...
(forme come cantùi, parùi...le vien doparàe anca in zserte zxone del belumat)


I agetivi i fa come i nomi.
agetivi a 4 forme : stran, strana, strani, strane ; lóngo, lónga, lunghi, lónghe ; stréto, stréta, striti, stréte
agetivi a 2 forme : inteligente (m/ f) -> inteligenti ; particolar -> particolari ; nazsionale -> nazsionali

I verbi, quando che i finise par -i senzsa accento, i ga el canbio vocàlico (come Pd-Vi-Ro)
prexente : 1° scoltar -> scólto -> te sculti ; 2° bévar -> bévo -> te bivi -> bevì ; móvar -> móvo -> te muvi
inparfeto: scoltava -> te scoltavi -> scoltavi ; bevéa -> te bevivi -> bevivi ; movéa -> te muvivi -> muvivi
congiunt. pass.: scoltase -> te scoltasi -> scoltasi ; bevése -> te bevisi ->bevisi ; movése -> te muvisi...
futuro 2ª sing. : te...-rè (come Vr,Pd-Vi-Ro) : scoltar -> te scoltarè, saver -> te savarè ; finir -> te finirè
futuro 2ª plur. : ...-rè (come Ve,Vr,Bl,Tv) : scoltar -> scoltarè, saver -> savarè ; finir -> finirè
condizsional: scoltarìa -> te scoltarisi -> el / i scoltarìa -> scoltarìsimo -> scoltarisi ; finirìa -> te finirisi...

In zserte parlade ghe xe ancora el pasà bi-conposto (surcomposé):
cato = trovo --> go catà = ho trovato = trovai --> go bù catà = ho [avuto] trovato

Quando che el sogeto el vien drio el verbo o 'l xe rinforzsà, i pronomi no i vien mìa doparài e 'l verbo el resta in fórma invariàbile, semi-impersonàl. (L'è el caxo che in japonéxe se dopararìa la partexela "ga")
se ga verto la porta (lett. Si è aperto la porta)
xe rivà i amisi de Marco (= nò quii de £a Marta!) (lett. E' arrivato gli amici di Marco)

Invezse 'nte le fraxe normali cioè se el sogeto l'è davanti del verbo o xe el verbo che l'è rinforzsà, alora se dòpara le fórme pronominali normali. (Spéso in japonéxe in 'sto caxo qua vien doparà la partexela "wa")
la porta la se ga verto = la porta si è aperta (=ocio! no l'è mìa pi sarà!)
i amisi de Marco i xe rivài = gli amici di Marco sono arrivati (=no i xe mìa restài par strada!)
Giorgio el parla ben = Giorgio parla bene

Anca al pasivo, formà co l'auxiliar vegner 'ntei tempi sènplici e co èser par i tenpi conposti, se dòpara normalmente le forme pronominali :
£a porta la vien verta
£a porta la xe stà verta / £a porta l'è stà verta
£e carte le xe stàe bruxàe / £e carte le è stàe bruxàe
I amisi de M. i xe stài copài tuti / I amisi de M. i è stài copài tuti

Anca i verbi pasivi i ga na forma inpersonale: el pasivo inpersonale. Anca qui gh'è l'auxiliar èser, senzsa pronomi (xe) o co n'espletivo (gh'è)
Xe stà bruxà le carte / Gh' è stà bruxà le carte (let. E' stato bruciato i documenti)
Xe stà copà... / Gh' è stà copà tuti i amisi de M.
Xe stà verto... / Gh'è stà verto la porta
Xe stà fato... / Gh'è stà fato tante robe (let. E' stato fatto molte cose)

In vèneto, ghe xe parfin el pasivo intranxitivo formà coi verbi intranxitivi. Come senpre, l'auxiliar èser el pol star senzsa pronomi (xe) o co n' espletivo (gh' è).
Xe stà telefonà a Marco / Gh'è stà telefonà a Marco (lett. E' stato telefonato a Marco)
Xe stà parlà co Toni / Gh'è stà parlà co Toni (lett. E' stato parlato con Marco)
Xe stà lavorà tanto (lett. E' stato lavorato molto)

Dopo le parole chi, cósa, come, 'ndo, quando / có, mentre xe obligatorio el che : come che te vien, de chi che te parli, có che la ride, so 'ndo che i xe ndài... El che l'ìndica che segue na fraxe, chi, come, quando, ecc... i spesìfica el tipo de fraxe.