Sitoveneto™ - portale di lingua e cultura veneta

(Parlada e grafia orixinaria de l'autor)
(Silvio Lancerin)

(Vèneto - Parlade Vènete Unificàe)
(L-tajà fra voca£i ; £e voc. fina£i "-o / -e " £e pol èser mute
anca se scrite: tuto=tut'...note=not' ; s /x -zs /zx rego£arixàe)

Te i tempi de i tempi
quando la tèra
el sol e la luna
ancora no i ghèra
e tut 'l universo
fin a l' ultima stéla
a'l èra ingrumà
te na sola borèla
e pò ancora p' indrìo
fin a dónder là rènt
al momento che 'l tut
sbròca fóra dal gnént
là , propio là
na s'ciantina p' in gna
péna péna p' indrìo
par mi , ghèra Dio.

'Ntei tenpi dei tenpi
có che la tera
el sol e la luna
ancora no i gh' era
e tuto l' universo
fin a l' ùltima stéla
a l' era ingrumà
'nte na sola borela
e pò ancora p' indrìo
fin a dónder là rente
al moménto ch' el tuto
el salta fóra dal gnente
là , propio là
na s·ciantina p' in là
péna péna p' indrìo
par mi , gh' era Dio.