Sitoveneto™ - portale di lingua e cultura veneta

(Parlada e grafia orixinaria de l'autor)
(Silvana Dal Cero)

(Vèneto - Parlade Vènete Unificàe)
(Fra voca£i senpre L-tajà co do £eture; nomi e verbi in -r , -L ;
plural co canbio vocà£ico ; apostrofi e acenti ; s / x rego£ari)

La lisia de la vita

Gratar via el sporco 'nte l'aqua de fiume.
Sbàtare la roba, strucarla forte,
piegà' so che l'ase dove te posti le man
dove, inxenocia',
te serchi de sbiancare i nisoi de la to vita.

De cavarghe fora tuto el suore e 'l pianto:
insaonare, sfregare e butare 'nte la corente
le storie pasae, i ricordi duri,
i doluri smorsai tra le sò pieghe.

Tuto sparise tra risi de spuma
e torna l'aqua nova a nétar i sasi,
a résentar calche frego£a de storia
seca e ancor taca'.

I fadiga, i ricordi,
a distrigarse tra tute chele pieghe
e quando, ben sbatùi, i và
i se porta via ‘na feta dei to dì.
Ma l'aqua, dopo, la torna lustra
e xe finìa la lisia.

‘Nte l' aqua che sa de bon,
de saon
nase speranse.
Te ciapi i to nisoi, ben neti,
e te li pichi al sole.

Score ombre so chei tili bianchi.
Le còre lexière
portae dal vento,
lexièro,
de la speransa.

Che el sfiora i nisoi e li svènto£a
Xé ora che rènto
ghe nasa n 'altra storia.

£a ³ìsia de ³a vita

Gratar via el spórco 'nte l'aqua de fiume.
Sbàtare ³a roba, strucarla forte,
piegà so che l'ase dove te posti ³e man
dove, inzxenocià,
te zsérchi de sbiancare i niso³i de ³a to vita.

De cavarghe fora tuto el suor e 'l pianto:
insaonare, sfregare e butare 'nte ³a corente
³e storie pasae, i ricordi duri,
i do³uri smorsai tra le só piéghe.

Tuto sparise tra risi de spuma
e tórna l'aqua nóva a netar i sasi,
a rexentar calche frégo£a de storia
séca e ancor tacà.

I fadiga, i ricordi,
a distrigarse tra tute che³e piéghe
e quando, ben sbatùi, i va
i se porta via na féta dei tó dì.
Ma l'aqua, dopo, la tórna lustra
e xe finìa ³a ³isia.

‘Nte l'aqua che sa de bon,
de saon
nase speranzse.
Te ciapi i tó niso³i, ben néti,
e te ³i pichi al so³e.

Scóre ónbre so chei ti³i bianchi.
£e córe lexiére
portae dal vento,
lexiéro,
de ³a speranzsa.

Che el sfióra i nisoi e ³i svènto£a
Xe óra che rento
ghe nasa n 'altra storia.