Menu principale:
Cultura-Culture > Poexie e Racunti
(Vèneto - Parlade Vènete Unificàe)
(Michele Brunelli)
(Fra voca£i senpre L-tajà co do £eture; nomi e verbi in -r , -L ;
plur. canbio vocà£ico ; apostrofi e acenti ; s / x - zs /zx rego£ari)
El gran el gavéa i culuri del sol
róso 'ntei tramunti
zxalo 'ntei mezxodì d'istà
el gavéa el color de la vita
el gavéa el color
de la sana tóxa de canpagna in fior
de la zxente 'ntei canpi drio cantar
del suar
del suor
de tanti brasi, sugà da na tenpestada
insieme co le speranzse de aver pan
el gavéa el color de l'ostinazsion
de riscominzsiar lavorar:
ogni volta da nóvo,
int' un ripètarse continuo,
come l'antigo saver pasà de pare in fiol
par tenpi eterni
El gran el ga i culuri del sol
róso 'ntei tramunti
zxalo 'ntei mezxodì d'istà
el ga el color de la vita,
de na pianta vegnùa sù bela forte,
sana,
el ga el color
de la natura carga de fruti,
de na pianta vegnùa sù svelta
robusta,
senzsa fadiga
jutà da le sostanzse moderne
el ga el color trasparente de l'indifarenzsa
che magnémo el pan quando che lo gavémo in tola
el ga el color
dei canpi
sofegài dal sfalto e dal seménto,
de un móndo che 'l va masa in presa
'ndo che 'l fior
'ndo che 'l fiol
el ga perso le só raixe
el sin' vergogna;
'ndo che i fiuli
no i parla la léngua dei noni,
come foresti in tera sua,
i ga inparà vergognàrsene.
El ga el color de l'indifarenzsa
che magnémo el pan
par no ricordarse che xèrimo contadini.
Menu di sezione: