\\\\\\\\\\\\\\\\\\\\\\\\\\\\\\\1111\\\\\\\1\11\\1\\\1\11111111111111111111111111111111111111111111111

Acenti e apòstrofi i xe inportanti ben parché quando che se scrive no ghe xe mìa i "ajuti" de la léngua parlà (tono de vóxe, sesti de le man, espresion de la facia...).

In veneto, l' acento :

1) no'l va mai su le parole che finise in consonante parché de sòlito le ga automaticamente l'acento su l'ùltima vocal: paron (=parón), parlar, vegner (=vegnér), vocal (=vocàl)... In zserte varietà 'ste parole qua le ga automaticamente el canbio vocàlico (paron - paruni , dotor - duturi). Cusita l'acento no serve mìa scrivarlo su giornal, magnar, seguir, tegner, saver. Pitosto l'è mejo segnarlo su le parole foreste che diversamente dal "ritmo" vèneto le ga l'acento "in mezxo": el compùter, el sèrver...

2) in penùltima poxizsion se méte solo l'acento acuto su ó-stréto , é-stréta propio par segnar che le xe stréte: tóxo, tóco, toco, conposto, sóto, zsoto, sóra, sora, méso, méxe, mexo, fiaco, inbriago, scuro, inpuro, produtivo, linea, aria, serio, segretaria... defati le parole in é, ó in zserte varietà le ga anca fórme a canbio vocàlico o metafonexi (tóxo-tuxi; tóco - te tuchi ; néto - niti ; ségno - signi) mentre le altre parole le ga senpre na vocal verta invariàbile (zsoto-zsoti, el toco - i tochi ; mexo-mexi, serio-seri)

3) no serv mìa scrìvarlo, parché basta ricordarlo, su póche paroléte che se dopra spéso : come (=cóme) , questo (=quésto), quelo (=quélo), mentre (=méntre), invezse (=invése) , 'ndo (='ndó) , onde (= 'ndo = dove)...

4) el va méso senpre in tuti i altri caxi par segnar el "ritmo": àsido, ùmido, pòrtego, móstrame, pènsaghe, strénxelo, statìstico, parò, parché, gavéa, sarìa, finìo, partìi, ciapài, vegnùe, segretarìa...


n.b.) sarìa ben scrìvar qûel, qûela, qûesta, qûi... par raprexentar le dó pronunzsie difarenti che ga 'ste parole qua: qûel (=kuél/kél) , qûela (=kuéla,kuéa/kéla,kéa)... e qûi (=kuì/kì) che 'l ga un sénso diverso da chi...