Sitoveneto™ - portale di lingua e cultura veneta

(Parlada e grafia orixinaria de l'autor)
(venesian del '700)

(Vèneto - Parlade Vènete Unificàe)
(Fra voca£i senpre L-tajà co do £eture; nomi e verbi in -r , -L ;
plur.canbio vocà£ico; apostrofi e acenti; s /x - zs /zx rego£ari)

"In sto amaro momento, in sto ultimo sfogo de amor, de fede al Veneto Serenisimo Dominio,
al Gonfalon de la Serenisima Republica, ne sia el conforto, o citadini, che la nostra condota pasada,
e de sti ultimi tenpi, rende non solo più giusto sto ato fatal, ma virtuoxo, ma doveroxo par nu.
Savarà da nu i nostri fioi, e la storia de el zorno farà saver a tuta l'Europa, che Perasto la gà
degnamente sostenudo fin a l'ultimo l'onor de el Veneto Gonfalon, onorandolo co sto ato solene,
e deponendolo bagnà de 'l nostro universal amaro pianto. Sfoghemose, citadini, sfoghemose pur,
e co sti nostri ultimi sentimenti sigilemo la nostra cariera corsa soto al Serenisimo Veneto Governo,
rivolgemose a sta Insegna che lo rapresenta, e su de ela sfoghemo el nostro dolor.
Par trexentosetantasete ani le nostre sostanse , el
nostro sangue , le nostre vite le xè sempre stàe
par Ti, S.Marco ; e fedelisimi senpre se gavemo reputà, Ti co nu, nu co Ti, e senpre co Ti sul
mar semo stài lustri e virtuoxi. Nisun co ti ne gà
visto scanpar, nisun co Ti ne gà visto vinti e spauroxi!
E se i tenpi presenti , tanto infelisi par inprevidensa, par disension, par arbitrii ilegali, par vizi
ofendenti la natura e el gius de le xenti, non Te
gavese cavà via , par Ti in perpetuo sarave stàe le nostre sostanse, el nostro sangue, la vita nostra.
E piutosto che védarTe vinto e desonorà da i tói , el coragio nostro, la nostra fede se averave
sepelìo soto de Ti.
Ma xa che altro no ne resta da far par Ti, el nostro cor sia l'onoradisima tó tonba, e el più duro
e el più grando elogio le nostre làgreme.

"In sto amaro moménto, in sto ùltimo sfógo de amor, de féde al Vèneto Serenìsimo Dominio,
al Gonfalon de la Serenìsima Repùblica, ne sia el conforto, o zsitadini, che la nostra condóta pasà,
e de sti ùltimi tenpi, rende no solo pi giusto sto ato fatale, ma virtuóxo, ma dovaróxo par noaltri.
Savarà da noaltri i nostri fiuli, e la storia del zxorno la farà saver a tuta l'Europa, che Perasto la ga
degnamente sostegnùo fin a l'ùltimo l'onor del
Vèneto Gonfalon, onoràndolo co sto ato solene,
e deponèndolo bagnà del nostro universale amaro pianto. Sfoghémose, sitadini, sfoghémose pur,
e co sti nostri ultimi sentiminti sigilémo la nostra
cariéra córsa sóto al Serenìsimo Vèneto Governo,
rivolgémose a sta Inségna che lo raprexenta, e su de ela sfoghémo el nostro dolor.
Par trexentosetantasete ani le nostre sostanzse ,
el nostro sangue , le nostre vite le xe senpre stàe
par Ti, S.Marco ; e fedelìsimi senpre se gavémo reputà, Ti co noaltri, noaltri co Ti, e senpre co Ti sul mar semo stài lustri e virtuóxi. Nisun co ti ne ga
visto scanpar, nisun co Ti ne ga visto vinti e spauruxi!
E se i tenpi prexenti , tanto infelisi par inprevidenzsa, par disension, par arbitrii ilegali, par vizsi
ofendenti la natura e 'l jus de le xenti, no i Te
gavése cavà via , par Ti in perpetuo sarìa stàe le nostre sostanzse, el nostro sangue, la vita nostra.
E pitosto che védarTe vinto e dexonorà da i tui , el corajo nostro, la nostra féde i se gavarìa
sepelìo sóto de Ti.
Ma xa che altro no ne resta da far par Ti, el nostro cor el sia l'onoradìsima tó tónba, e 'l pi duro
e 'l pi grando elogio le nostre làgreme.