Sitoveneto™ - portale di lingua e cultura veneta

(Vèneto - Parlade Vènete Unificàe)
(Silvana dal Cero)


(Fra voca£i senpre L-tajà co do £eture; nomi e verbi in -r , -L ;
plural co canbio vocà£ico ; apostrofi e acenti ; s / x rego£ari)

Co sale la marèa el mondo 'l canbia facia
Vardève intorno on po':
se véde solo speji.
£ustri e onfegà
a la roersa i móstra
el móndo che sta qua

Cosa gh'è capità nisun se lo domanda.
I gira in tóndo e in largo
co l'aria stralunà
I pocia i pie i foresti,
i tuxi i salta e i córe.
la zxente la se móve
col vixo iluminà.

E cìchete e ciàchete
Xe tuto qua stanpà.
Foto in bianco scuro,
artìstiche le xe.
le serve par na móstra
che el móndo girarà.

Ma quii che xe del posto
el muxo i ga on po' scuro
"Ndo' méto la mé roba par stare pi sicuro?"

E a la zxente in grìngoli
par pónti e par canpieli
sóto i bafi i mórmora
"I tenpi no i xe pi quei"

Do face el mar el ga:
par i foresti una,
n'altra par ci è de qua.
la maravéja crése co l'ónda de marea
E tuti par che i dixa "Venesia te si bea"

No i vede i mamaluchi
che smarsi i muri i xe.
Ricami no, no xe
le gróste de color
o el salso che se ciucia
de sta Venesia i pie'.

Al mar la ghe piaxe
'sta sióra inbrilantà.
£a cuna, el se la còcola,
er la indormézsa on po',
doman o posdoman
el se la tira zxo.

Co sale la marea
la ròxega qua e là.
I varda e no i se 'corzxe
che 'sta bela magìa
intanto la se sfalda
dal mare carezsà.

Ma vu no stè temer,
ghe ghémo pensà nu.
Basta on po' de tècnica
e la zsità xe qua.

Na tuta inpermeàbile,
la màchina da sub
e tuta 'sta belézsa,
par senpre imortalà,
rento na móstra gira:
de tuti la sarà.

Scólta! Xe la marea
o no pitosto vóxe
strapiene d'emozsion?
Se intende le parole
se ghe metì atenzsion!

la xe na fraxe sola,
che gira, solo quela:
"Zserto che gera bea co tuta 'sta marea".