Sitoveneto™ - portale di lingua e cultura veneta

£a Bandiera del Vèneto stabilìa uficialmente co la leje 56/1975 e giustà pi tardi co le leje 10/1998 e 7/1999 la xe zxala, rósa e blu: alcune parte le xe vérde e maron.

El Leon co le ale el se cata anca 'nte la bandiera de la Serenìsima Repùblica de Venesia come el color zxalo e 'l róso; 'sti culuri qua i ghe xe anca 'nte la bandiera de Venesia de deso.

El blu del zsiel e del mar l'è un color tìpico del Vèneto da un saco de tenpo, tanto che antigamente venetum el xera sinònimo de blu («Blavum seu Venetum colorem» = color blu, o sia vèneto) mentre el vérde e 'l maron i raprexenta i canpi e i munti.

El Leon, sìnbolo de S.Marco el protetor stòrico de la Rep. de Venesia, el xe méso in modo da tegner d'ocio pianura, canpi, munti e mar e 'l ga un libro verto co la scrita Pax Tibi Marce Evangelista Meus (=Paxe a Ti, Marco, mé Evangelista) le parole che, drio la tradizsion, un'ànzxelo el ga saludà Marco quando che lu, durante na bufera, el se gavéa scónto su na ìxola de la Laguna Vèneta.

£e sete cóe de la bandiera le raprexenta le sete provinzsie del Vèneto: Belun, Pàdova, Rovigo, Trevixo, Venesia, Veróna e Vicensa.

Bandiera del Vèneto

£a Bandiera del Vèneto la raprexenta el Vèneto e 'l so pòpolo independentemente da le ideologìe che ogni omo o dona el pol aver e no se ga mìa da confóndarla co la bandiera róso-zxala de Venesia: 'sta qua la ga sie cóe (una par sestier de la zsità), la ghe soméja forte a la bandiera de la Serenìsima Rep. de Venesia e l'è stà doparà co calche variazsion anca da partìi polìtisi autonomisti.

Bandiera de Venesia
(co variazsion lexiere doparà anca da calche partìo)