Sitoveneto™ - portale di lingua e cultura veneta

(Parlada e grafia orixinaria de l'autor)
(Zanini Nadia- Bovolone)

(Vèneto - Parlade Vènete Unificàe)
(Fra voca£i senpre L-tajà co do £eture; nomi e verbi in -r , -L ;
plural co canbio vocà£ico ; apostrofi e acenti ; s / x rego£ari)

A risego del cel

Sbaciàva la finestra del giorno
sora zèe de erba ingrotolia,
nel prà pensieri descalzi
pestezàva colori de fole;

Sbrodolà da la matassa del sol
se slongava 'na corda...
a risego del cel;

"Salta drento!!!..."
sbraiàva oze picinine:
se alzava cotoline de fiori, imbriagando i sospiri del vento,
nel girar, ancora garbo, de la soga del tempo;

"Salta fora!!!..."
e un arcobaleno de spago,
sospeso,
spetàva el salto gaiàrdop
de museti infiochetè
de nastri rosa che ligàva
fili de speranza
a longhe trezze de seda;

A l'ombria se soràva
bali de farfale,
descartozando brazadele
de sogni
par smorsegàr, in pressia,
el dolzor de la vita.