\\\\\\\\\\\\\\\\\\\\\\\\\\\\\\\1111\\\\\\\1\11\\1\\\1\11111111111111111111111111111111111111111111111

£a metafonexi (ciamà anca metafonìa) l'è un fenòmeno de canbio de vocal interna a na parola, provocà de sòlito da alcune létare o vocali vizsine. Par exenpio alcune desinenzse 'ntei verbi o 'ntei plurali.

Par capir cósa che xe 'sta metafonexi, che l'existe in vèneto ma anca in altre léngue o parlade de l'Italia e del móndo, basta ciapar alcuni plurali e verbi del vèneto zsentrale (vixentin-padovan-polexan).

Par exenpio:
el fior -> i fiuri , el spóxo -> i spuxi ; scólto -> te sculti
el ségno -> i signi , méxe -> mixi , sentiménto -> sentiminti ; védo -> te vidi
un moménto -> dei muminti , el boton -> i butuni ; movéa -> te muvivi

In 'ste varianti vènete qua la metafonexi la vien provocà da na -i finale e la fa canbiar le vocali interne -ó- stréta e -é- stréta (come anca 'ntel vèneto de Grado) mente in altre parlade (alcune varianti belunixi o ladino-vènete) la colpise solo che la vocal interna -ó-.

In belumat e 'ntel ladino-vèneto, parò, ghe xe de sòlito puchi plurali che finise par -i, e quindi no ghe xe tante ocaxion parché el canbio vocàlico el se verìfiche. (magari se cata calche plural come cantùi (da cantón) o ròcui (da ròcol , la "L" la deventa muta)

Quindi la metafonexi no la xe mìa limità solo che al vèneto zsentrale come che sostien tanti libri, indove che se dixe anca che la metafonexi la xe ormai morta...O adiritura no i la nòmina gnanca parlando del vèneto.

Invézse, a parte el fato che 'sto fenòmeno qua el xe ancora doparà da tanti (zsertamente la vien uxà póco 'nte le zsità, ma savémo tuti quanto italianixà che l'è el vèneto de le zsità!) , se ga 'pena visto che 'sto fenòmeno el se cata anca fora del vèneto-zsentrale

Eco qua , par darve na idèa pi ciara, ve porto un puchi de exenpi:

1) Dialeti Ladini e Ladino-Vèneti:
Gemo Dal Col, "L'idioma ladino a Cibiana di Cadore", pàg. 19 : «...i nomi con desinenza -ol, senza accento sulla "o" (atona) prendono al pl. la desinenza -ui... an bràndol, i bràndui ; an thòcol, i thòcui...»
'Sto fenòmeno el ghe xe comunque anca in altre parlade ladino-vènete.

2) Dialeti (trevixan-)feltrin-belumat:
'Ntel vèneto de Chipilo, che 'l deriva da quel parlà 'nte la xona (trevixana) de Seguxin se cata nomi plurali del tipo cantui (da cantón). Vardè i scriti e le poexìe de Eduardo M. Anguiano.

3) Anca 'ntel feltrin-belunéxe "forse" se dixe fursi, proprio come 'ntei dialeti zsentrali.
Questa la vien dal latin "forsit" e quindi el canbio o->u el xe ciaramente de orìxene metafonètica.

4) Dia£eto de Grado:
Ciapève un libro de poexìe de Biagio Marin e catarè tanta metafonexi da far indigestion. Ghen'è anca de pi che in vèneto zsentrale parché, oltre a plur. come "quii, fiuri, sentiminti..." provocài da -i finale, ghe xe anca forme come "fiurísse..." vixìbili anca co -i non finale, ma senplicemente acentà!

In concluxion, xe vero che fora del vèneto zsentrale 'sto fenòmeno de canbio vocàlico no 'l xe miga difuxìsimo ma sostegner che la metafonexi l'existe sol che 'ntel vèneto padovan-vixentin-rovigoto el xe un grave eror de indàgine, giustificàbile solo co na no-conosenzsa del vèneto: giustificazsion acetàbile par quii tuxi che i só genituri no i ghe ga mai pasà la consapevolézsa linguìstica, ma asolutamente no acetàbile par chi che 'l parte co l'idèa de studiar e de descrìvar ciaro e profesionalmente el vèneto.